"İkinci hissədə daha yaxşı oynadıq"
Xəbər verdiyimiz kimi, Türkiyənin Erzurum şəhərində təlim-məşq toplanışını davam etdirən “Araz-Naxçıvan” ilk yoxlama matçında gücünü sınayıb. Komandamız Türkiyə Superliqa təmsilçilərindən “Alanyaspor”la üz-üzə gəlib. Palandökən məşq mərkəzində baş tutan görüşdə tərəflər hərəyə 1 qol vurub. “Qırmızı-ağlar”ın heyətində yeni transferimiz Felipe Santos fərqlənib. Oyunla bağlı baş məşqçi Elmar Baxşıyev bunları deyib: “Ümumi hazırlıq fonunda ilk oyunumuz idi. Komanda əsasən ikinci hissədə daha yaxşı çıxış etdi. Çalışdılar verilən tapşırıqları yerinə yetirsinlər. Buna nə dərəcədə nail olduqlarını faizlə deməyim düzgün olmaz, amma meydanda istəkli olmaları, mübarizədən qopmamaları bizi sevindirməyə bilməzdi.
Yeni transferləri meydanda az müddətə də olsa, görə bildik. Onların bəzisi komandaya Türkiyədə qoşulduğuna görə, demək olar, komandadan ayrı məşq edirdilər. Son 2 məşqdə kollektivə qoşuldular. Buna görə də meydana sonradan daxil oldular.
Yoxlama oyunlarında nəticə o qədər də önəmli deyil. Məqsədimiz komandanın hərəkətliliyini artırmaq, xətlərarası əlaqəni yaxşılaşdırmaq və oyun təcrübəsi qazanmaqdır”.
Təcrübəli mütəxəssis Misli Premyer Liqasının 2024-2025-ci il mövsümünün püşkü haqda isə bunları deyib: “İndiki məqamda püşkü düşünmürük. Bu dövrdə məqsəd komandanı daha yaxşı hazırlamaq, heyəti komplektləşdirmək və rəsmi matçlara hazır çıxmaqdır”.
Nəticələr
Turnir cədvəli
| N | klub | o | q | h | m | t/f | x |
|---|---|---|---|---|---|---|---|
| 1 | Qarabağ | 8 | 7 | 0 | 1 | 20-6 | 21 |
| 2 | Turan Tovuz | 9 | 5 | 3 | 1 | 12-6 | 18 |
| 3 | Araz-Naxçıvan | 8 | 5 | 2 | 1 | 11-9 | 17 |
| 4 | Zirə | 8 | 5 | 0 | 3 | 14-6 | 15 |
| 5 | Sabah | 9 | 4 | 3 | 2 | 19-15 | 15 |
| 6 | Şamaxı | 8 | 3 | 3 | 2 | 8-7 | 12 |
| 7 | Səbail | 9 | 2 | 1 | 6 | 14-17 | 7 |
| 8 | Sumqayıt | 9 | 2 | 1 | 6 | 6-11 | 7 |
| 9 | Neftçi | 9 | 0 | 5 | 4 | 6-15 | 5 |
| 10 | Kəpəz | 9 | 1 | 0 | 8 | 6-24 | 3 |
Bombardirlər
Bombardirlər:
Cesse Sekidika ("Sabah") - 5 qol
Coy Lens Mikels ("Sabah") - 5 qol
REKLAM
"Araz-Naxçıvan" peşəkar futbol klubunun rəsmi saytı. © Bütün hüquqları qorunur.