Naxçıvan təmsilçisindən ardıcıl 4-cü qələbə
Futbol üzrə Azərbaycan I Divizionunda 4-cü turun oyunlarına start verilib.
Turnir cədvəlinin lideri “Araz-Naxçıvan” bu turda “Kəpəz-2” komandasının qonağı olub. Tural Qurbanov, Asif Abdullayev, Zakir Şükürzadə və Əkbər Əhmədovdan ibarət hakimlər briqadasının idarə etdiyi görüş Gəncə şəhər stadionunda keçirilib.
Oyuna meydan sahibləri sürətli başlayıb. Artıq 14-cü dəqiqədə rəqibin hücumu zamanı Nihat Fərəcinin dəqiq zərbəsi yerli azarkeşləri sevindirib. Qol buraxmasına baxmayaraq, “Araz-Naxçıvan” qısa vaxt kəsiyində “status-kvo”nu bərpa edib. 21-ci dəqiqədə Fərid Kərimzadə qapı ağzında yaranan qarmaqarışıqlıqdan maksimum istifadə edib – 1:1. İlk hissənin sonlarına yaxın futbolçumuz Orxan Əliyev təkbətək epizoddan yararlana bilməyib. Rəqibin hücumu zamanı isə qapı tiri komandamızı qoldan xilas edib.
İkinci hissə komandaların qarşılıqlı hücumları ilə keçib. 64-cü dəqiqədə belə hücumların birində “qırmızı-ağlar”ın hücumçusu De Saboa İv Lüsyen komandamızı hesabda irəli keçirib – 1:2. Bundan sonra oyun ərzində qapılar ağzında təhlükəli vəziyyətlər yaransa da, tablodakı hesab dəyişməyib.
“Araz-Naxçıvan” ardıcıl 4 qələbədən sonra turnir cədvəlindəki liderliyini qoruyur.
Nəticələr
Turnir cədvəli
| N | klub | o | q | h | m | t/f | x |
|---|---|---|---|---|---|---|---|
| 1 | Qarabağ | 8 | 7 | 0 | 1 | 20-6 | 21 |
| 2 | Turan Tovuz | 9 | 5 | 3 | 1 | 12-6 | 18 |
| 3 | Araz-Naxçıvan | 8 | 5 | 2 | 1 | 11-9 | 17 |
| 4 | Zirə | 8 | 5 | 0 | 3 | 14-6 | 15 |
| 5 | Sabah | 9 | 4 | 3 | 2 | 19-15 | 15 |
| 6 | Şamaxı | 8 | 3 | 3 | 2 | 8-7 | 12 |
| 7 | Səbail | 9 | 2 | 1 | 6 | 14-17 | 7 |
| 8 | Sumqayıt | 9 | 2 | 1 | 6 | 6-11 | 7 |
| 9 | Neftçi | 9 | 0 | 5 | 4 | 6-15 | 5 |
| 10 | Kəpəz | 9 | 1 | 0 | 8 | 6-24 | 3 |
Bombardirlər
Bombardirlər:
Cesse Sekidika ("Sabah") - 5 qol
Coy Lens Mikels ("Sabah") - 5 qol
REKLAM
"Araz-Naxçıvan" peşəkar futbol klubunun rəsmi saytı. © Bütün hüquqları qorunur.