f ARAZ fk
<p>Qəbələdə hərəyə bir qol</p>

Qəbələdə hərəyə bir qol

20.10.2022 10:00

Azərbaycan Birinci Divizionunda 8-ci turun oyunlarına yekun vurulub.

         Bu turda “Araz-Naxçıvan” Qəbələdə “Qəbələ-2” komandasının qonağı olub. Rövşən Rəcəbov, Ruslan Quliyev, Teymur Teymurov və Şamil İmanzadədən ibarət hakimlər briqadasının idarə etdiyi görüş Qəbələ şəhər stadionunun ehtiyyat meydançasında keçirilib.

         Turnir cədvəlinin vahid lideri Naxçıvan təmsilçisi bu görüşə də qələbə əzmi ilə çıxıb. İlk dəqiqələrdən rəqib qapısında təhlükəli vəziyyətlər yaradan “Araz-Naxçıvan” Orxan Əliyev və Bayraməli Qurbanovla qola yaxınlaşsalar da, qapıçının sayıq oyunu buna imkan verməyib. 13-cü dəqiqədə qapıçı ilə üzbəüz qalan Söhrab Faxrabadi isə 100 faizlik qol imkanından yararlana bilməyib. 28-ci dəqiqədə hücumçumuz hesabı açmağa yaxın olsa da, qapı dirəyi buna mane olub. Rəqiblərin qarşılıqlı hücumlarına baxmayaraq, ilk hissədə hesab açılmayıb.

         İkinci hissə isə rəqibin hücumları ilə başlayıb. Oyunun ilk bir saatının tamamında qapımız ağzında təhlükəli qol vəziyyəti yaradan qəbələli futbolçular bundan yararlana bilməyiblər. Daha doğrusu, qapıçımız Vüsal Şabanovun “seyv”ləri buna imkan yaratmayıb. Əvəzində əks-hücum zamanı rəqibin kobud oyunu penalti ilə nəticələnib. Komandamızın kapitanı Orxan Əliyev onbir metrlik zərbəni dəqiq yerinə yetiməklə, oyunda hesabı açıb – 0:1. Lakin komandamız bu hesabı oyunun son dəqiqələrinə kimi qoruya bilməyib. Belə ki, görüşün əlavə edilmiş 3-cü dəqiqəsində “Qəbələ-2” hesabı bərabərləşdirib – 1:1.

Görüş bu hesabıa başa çatıb.

         Qeyd edək ki, “Araz-Naxçıvan” 22 xalla turnir cədvəlinə başçılıq edir.


Nəticələr


0
2
05.12.2022 14:00
ƏTRAFLI

Turnir cədvəli

N klub o q h m t/f x
1 Araz-Naxçıvan PFK 11 8 2 1 28-8 26
2 Neftçi-2 11 8 1 2 26-13 25
3 Turan Tovuz-2 11 8 0 3 21-8 24
4 Kəpəz-2 12 6 2 4 21-16 20
5 Səbail-2 11 5 3 3 21-19 18
6 Qəbələ-2 11 5 2 4 19-14 17
7 Zaqatala 11 5 1 5 20-22 16
8 MOİK 11 4 3 4 18-19 15
9 Qarabağ-2 11 4 2 5 15-17 14
10 Mingəçevir 12 4 1 7 20-23 13
11 Qaradağ Lökbatan 12 3 3 6 14-14 12
12 Zirə-2 11 3 3 5 10-16 12
13 Şamaxı-2 11 3 2 6 13-23 11
14 Sumqayıt-2 11 2 3 6 11-21 9
15 İmişli FK 11 2 0 9 9-33 6

Bombardirlər

Orxan Əliyev ("Araz-Naxçıvan") - 11 qol
Cəlal Cəbrayılov (“Zaqatala”) – 9 qol
Rauf Əliyev ("Kəpəz-2") - 9 qol
Vüsal Əsgərov ("Neftçi") - 8 qol
İlham Allahverdiyev (MOİK) - 7 qol
Elnur Cəfərov ("Qaradağ Lökbatan") - 7 qol

REKLAM