f
5-də 5
5-də 5
Azərbaycan I Divizionunda mübarizə aparan “Araz-Naxçıvan” növbəti oyununu keçirib.
Turnir cədvəlinin vahid lideri olan Naxçıvan təmsilçisi Naxçıvan Muxtar Respublika Stadionunda “Sumqayıt-2” Futbol Klubunu qəbul edib. Namiq Bəkirov, Zöhrab Abbasov, Elman Kərimov və İrşad Aydınovdan ibarət hakimlər briqadasının idarə etdiyi görüşə maraq böyük olub
Oyuna sürətli başlayan “Araz-Naxçıvan” ilk 10 dəqiqədə rəqib qapısı önündə iki təhlükəli qol vəziyyəti yaradıb. Lakin futbolçuların qeyri-dəqiq oyunu hesabın açılmasına maneçilik törədib. Yerli azarkeşlər ilk qola 27-ci dəqiqədə şahidlik ediblər. Cərimə meydançasında ideal ötürmə alan Orxan Əliyev aşırma zərbə ilə hesabı açıb – 1:0. İlk hissənin son 5 dəqiqəsində isə komandamız rəqib qapısı ağzında yaratdığı epizodları qolla nəticələndirib. Belə ki, 42-ci dəqiqədə kapitan Orxan Əliyev oyunda dublunu rəsmiləşdirib. 2 dəqiqə sonra isə Fərid Kərimzadə rəqibi 3-cü dəfə mərkəzə dəvət edib – 3:0.
İkinci hissəyə də hücumlarla başlayan “qırmızı-ağlar” rəqib qapısında təhlükəli vəziyyətlər yaradıblar. Əvvəlcə, Fərid Kərimzadə, daha sonra De Saboa İv Lüsyenin zərbələrində bir qədər dəqiqlik çatışmayıb. 64-cü dəqiqədə Orxan Əliyev sol cinahdan edilən asmanı başla qapıdan keçirərək, hesab arasındakı fərqi 4-ə çatdırıb. Kapitan eyni zamanda, cari mövsümdə ilk het-trikini edib – 4:0. Bu, həm də görüşdə vurulan sonuncu qol olub.
Cari mövsümdə keçirdiyi 5 oyunun hamısında qalib gələn “Araz-Naxçıvan” 15 xalla turnir cədvəlinə başçılıq edir.
N | klub | o | q | h | m | t/f | x |
---|---|---|---|---|---|---|---|
1 | Qarabağ | 27 | 21 | 3 | 3 | 71-23 | 66 |
2 | Sabah | 27 | 11 | 7 | 9 | 39-32 | 40 |
3 | Neftçi | 27 | 10 | 7 | 9 | 34-29 | 40 |
4 | Zirə | 27 | 10 | 9 | 8 | 21-18 | 39 |
5 | Sumqayıt | 27 | 10 | 9 | 8 | 26-32 | 39 |
6 | Səbail | 27 | 10 | 7 | 10 | 39-41 | 37 |
7 | Turan Tovuz | 27 | 9 | 8 | 10 | 41-38 | 35 |
8 | Araz-Naxçıvan | 27 | 8 | 8 | 11 | 27-36 | 32 |
9 | Kəpəz | 27 | 7 | 6 | 14 | 29-47 | 27 |
10 | Qəbələ | 27 | 4 | 4 | 19 | 19-52 | 16 |
Bombardirlər:
Olavio Juninyo ("Qarabağ") - 15 qol
Aleksandr Ramalinqom ("Səbail") - 11 qol
Orxan Əliyev ("Araz-Naxçıvan") - 9 qol
Yassin Benzia ("Qarabağ") - 9 qol