Azərbaycan Region Liqasının Naxçıvan zonası üzrə oyunlarına start verilib.

           Uzunoba Təlim-Məşq İdman Kompleksində “Babək” komandası çətin keçən görüşdə “Əlincə” (Culfa) komandasını 4:3 hesabı ilə məğlub etməyi bacarıb.

            Turun digər iki görüşündə azarkeşlər bolqollu oyunlar izləyib. Sədərək rayonunda keçirilən oyunda “Arpaçay” (Şərur) komandası meydan sahiblərini məğlub etməkdə çətinlik çəkməyib – 0:7. Kəngərlinin eyniadlı komandası isə səfərdə Şahbuzun “Batabat” komandası üzərində böyükhesablı qələbəyə sevinib – 2:12.

            Qeyd edək ki, Naxçıvan zonasının qalibi olacaq komanda Region Liqasının reqlamentinə əsasən ölkə üzrə yarımfinal mərhələsinə birbaşa vəsiqə əldə edəcək.

"Sədərək" - "Arpaçay" 0:7

"Babək" - "Əlincə" 4:3

"Batabat" - "Kəngərli" 2:12