“Biz kollektiv oyun sərgilədik və çempionatın ilk oyununda qələbə qazandıq. Bütün futbolçulara və azarkeşlərə təşəkkür edirəm. Bildiyiniz kimi, “Araz Naxçıvan” neçə illər idi elitadan kənarda qalmışdı. Qayıdış oyunumuzda qələbə qazandıq. “Neftçi” üzərində qazanılan qələbə bizim üçün əlavə stimuldur”.

Bu sözləri Futbol11.az saytına açıqlamasında “Araz Naxçıvan”ın kapitanı Kamal Bayramov deyib.
“Araz Naxçıvan”dakı debüt oyununda qapısının toxunulmazlığını qoruyub-saxlayan Bayramov sözlərinə belə davam edib: “Məncə, futbolda əvəzedici və əsas heyət anlayışı yoxdur. Komanda var. Biz də “Neftçi”ni məğlub etmişik. Məgər, “Neftçi”nin ehtiyatında oturanlar bu komandanın futbolçuları deyillər. Biz rəqib barədə düşünmürdük. Sadəcə, ilk oyunda Naxçıvan camaatına qələbə bəxş etmək istəyirdik onu da etdik”.
Qeyd edək ki, “Araz Naxçıvan” dünən “Neftçi”ni 3:0 hesabı ilə məğlub edib.